عبدالكريم الجباري - قال الفراق

قال الفراق
قال الفراق ؟...وقلت ....وش عاد ....يعني
منّاك يالله لو سمحت اقطع الصوت
واشوى.....!..بحزّة قلتها ..ماسمعني
وش ..عاد يعني......!!مادريت انه الموت
وقال الغرام..؟..وقلتله مانفعني
هذاك لو اني حظيظن ومبخوت
وقال العناد...؟..وقلتله مامنعني
مكثر من اعناد(ن) على لعب بيلوت
وقال الغرور...؟..وقلتله ....مارفعني
ماظنتي بأن الكبر يعمر بيوت
قال التواضع....؟...قلت بالله .....طعني
خلك عليه بذمتي تقطف التوت
قال التسّرع....؟...قلتله ماتبعني
ماينفعك لاصيّحوا فاتك الفوت
وقال الصحيح..؟؟...وقلت طبع(ن) .طبعني
ماهو لباسن تلبسه لبسة الكوت
وقال الشعر.....؟....قلت الشعر ماوسعني
يكفيك بندر والفراوي وبخّوت
بالله كف.....عن السؤال ودعني
يعني خلاص الصمت لولو وياقوت
قال الفراق......؟..وقلت وش عاد...يعني
بكل برود ومادريت انه الموت

» عبدالكريم الجباري - يا هلا يا نرحبا بك
» عبدالكريم الجباري :مع السلامة
» عبدالكريم الجباري - رضيت بدبرة المولى